Liviyadagi “Daniel” to‘fonidan keyin suv toshqini qurbonlari soni ko'paydi, antisanitariya sharoitida epidemiyalar xavfi yuqoriligi aytilmoqda.

Xabar berilishicha, 10-sentyabr kuni “Daniel” siklonidan kelib chiqqan kuchli yomg‘ir tufayli Liviyaning sharqidagi bir qator shahar va aholi punktlarida, shu jumladan el-Bayda va Dernada suv toshqini qayd etilgan. Ma’lumotlarga ko‘ra, Liviyaning sharqidagi suv toshqini oqibatida halok bo‘lganlar soni 11 mingdan oshgan, 20 mingga yaqin odam bedarak yo‘qolgan.

Qurbonlar soni sezilarli darajada oshgan, shuningdek, antisanitariya sharoitida epidemiyalar xavfi yuqoriligi aytilmoqda.

Liviya milliy meteorologiya markazining xabar berishicha, 24 soat ichida el-Obeydda jami 414,1 millimetr yog‘ingarchilik bo‘lgan. Odatda bu mintaqada sentyabr oyida taxminan 6 mm yog‘ingarchilik va yiliga o‘rtacha 540 mm yog‘ingarchilik bo'lgan.

Ma'lumotlarga ko'ra, hodisa natijasida kamida 30 ming aholi o‘z uylarini tark etishga majbur bo‘lgan.

• Liviya
• suv_toshqini