Buyuk Britaniya Bosh vaziri Liz Trass Vazirlar Mahkamasi rahbarini iste'foga yuborish haqidagi chaqiriqlar fonida o‘z lavozimini tark etish niyatida emasligini aytdi.

“Men qolaman, chunki men bu mamlakat farovonligi uchun ishlash uchun tanlanganman va men buni niyat qilganman. Kelgusi umumiy saylovlarda men Konservativ partiyaning boshida bo‘laman ... Biz juda ko‘p narsalarni boshdan kechirmoqdamiz. Hozir qiyin paytlar va biz kerak bo‘lgan ishni qilish o‘rniga, Konservativ partiya haqida gapirishga vaqt sarflay olmaymiz. Bu mening hamkasblarimga murojaatim”,– deydi Trass BBC bilan suhbatda.

Britaniya bosh vaziri “yoʻl qoʻyilgan xatolar” uchun javobgarlikni oʻz zimmasiga oladi va kechirim soʻramoqchi.

"Men haqiqatan ham mas'uliyatni o‘z zimmamga olishni va yo‘l qo‘ygan xatolarim uchun uzr so‘rashni xohlayman. Men odamlarga energiya to‘lovlari, yuqori soliqlar muammosi bilan shug‘ullanishda yordam berishni xohlardim, lekin biz juda uzoqqa va juda tez ketdik, buni tan oldim", - deya qo‘shimcha qildi Liz Trass. 

Ma'lumot uchun, Bosh vazir boshchiligidagi Britaniya hukumati iqtisodni qo‘llab-quvvatlash bo‘yicha yangi reja yuzasidan ko‘plab tanqidlarga uchradi va hukumat uni amalga oshirish uchun davlat qarzi hajmini oshirishidan xavotirda. Reja parlamentga sobiq moliya vaziri Kvazi Kvarteng tomonidan taqdim etilgan va soliqlarni katta miqdorda kamaytirishni nazarda tutadi. U e'lon qilinganidan so‘ng, Buyuk Britaniyaning besh yillik davlat obligatsiyalari bo‘yicha daromadlilik 2008-yildan beri eng yuqori darajaga ko‘tarildi - 4,6%, bu qarz qimmatli qog‘ozlariga bo‘lgan talabning pasayishini anglatadi. Shu munosabat bilan, funt sterling keskin tushib ketdi va savdolar jarayonida bir funt uchun 1,054 dollarni tashkil etib, tarixiy minimal darajaga tushdi.

• Buyuk Britaniya
• Liz Trass