2024-2025-o‘quv yilidan boshlab maktablardagi o‘quv-pedagogik hujjatlar to‘liq elektron shaklga o‘tkaziladi. Bu haqda Maktabgacha va maktab ta’limi vazirligi xabar berdi.

Natijada, o‘qituvchilar va maktab rahbariyati uchun qulaylik yaratiladi va ularning vaqti tejaladi. Bundan tashqari, maktab boshqaruvi jarayonida ortiqcha qog‘ozbozlikka barham beriladi, samaradorlikka erishiladi va shaffoflik ta’minlanadi.

Shuningdek, har yili 223 tonna qog‘oz va hududlarga yetkazish bo‘yicha logistika xarajatlari tejaladi. Hamda davlat xaridlarini bo‘yicha har yili 10,1 mlrd so‘m mablag‘ iqtisod qilinadi.

• Maktab