Namangan shahrida 1974-yilda tugʻilgan fuqaro oltincha marotaba jinoyat qilib, jazoga tortildi.

Maʼlum bo‘lishicha, ayblanuvchi 30-iyul kuni masjidga kelgan fuqaroning velosipedini oʻgʻirlab ketayotganda, huquq inspektorlari tomonidan ushlangan. Bundan avval u 3 marta oʻgʻrilik jinoyati, 2 marta giyohvand moddalarni saqlash bilan aybdor deb topilgan.

70 yoshli onaning yolgʻiz boquvchisi boʻlgan bu shaxs yana bir muddat panjara ortida boʻladi.

“Beshta farzandim bor. Uchta qiz, ikkita oʻgʻil. Beshta bolani oʻzim katta qilib, uyli joyli qildim. Qiyin ekan. Shu farzandlarim boqaman deb ishga ketib, ularga yaxshi tarbiya bera olmabman”, — degan 70 yoshli ona.

Maʼlumotlarga koʻra, ayblanuvchi hozirgacha 5 ta jinoiy ish bilan hayotining qariyb 15 yilini ozodlikdan mahrum etilgan holda oʻtkazgan.

Bu safargisida esa Jinoyat Kodeksining tegishli moddalari bilan 3 yil 7 oy muddatga ozodlikdan mahrum qilingan.

• Masjid