Misrlik olimlar bundan 2300 yil avval vafot etgan o‘smir bolaning mumiyosini o‘rganishdi. Jasad kafanga o‘ralgan edi. Zararni oldini olish uchun tekshiruv kompyuter tomografiyasi yordamida o‘tkazildi.

Tadqiqot marhumning zodagon oilaga mansubligini ko‘rsatdi. Uning tanasidan dafn marosimida muhim rol o‘ynagan 49 xil tumor va gulchambar topilgan.

Tumorlar oltin, yarim qimmatbaho toshlar, pishirilgan loy va fayansdan qilingan. Ular orasida qadimgi Misr ramzlari bor edi. Bunday artefaktlar tanani himoya qiladi va keyingi hayotda unga kuch beradi deb ishonishgan. 

Mumiyo “Oltin bola” sifatida ham tanilgan, chunki uning yuzi oltin niqob bilan qoplangan. Bola 14-15 yoshida, katta ehtimol bilan tabiiy sabablardan vafot etgan. Uning bo'yi taxminan 128 sm bo‘lgan.

• Misr
• qiziqarli