Turkiya tashqi ishlar vaziri Mavlut Chavusho‘g‘li NATOda Ukrainadagi mojaroni tartibga solishni istamaydigan davlatlar borligini ma’lum qildi. Bu haqda u “Haber Global” telekanaliga bergan intervyusida aytdi.

Uning so‘zlariga ko‘ra, gap nafaqat AQSh, balki alyansga a’zo boshqa qator davlatlar haqida ham ketmoqda.

“Gʻarbda urushni davom ettirmoqchi bo‘lgan davlatlar bor, ular orasida NATOga a’zo davlatlar ham bor. Men nafaqat Qo‘shma Shtatlarni, balki NATOga a’zo davlatlarni ham nazarda tutyapman”,— deydi Turkiya TIV rahbari.

Shuningdek, uning qoʻshimcha qilishicha, baʼzi Yevropa davlatlari ham Ukraina portlaridan g‘alla eksporti boʻyicha oziq-ovqat bitimini buzmoqchi.

 “G‘alla savdosiga putur yetkazmoqchi bo‘lganlar ham bor edi. Bu AQSh emas. AQShning hissasi quyidagicha bo‘ldi: masalan, Rossiya o‘g‘itlari uchun eksport to‘siqlarini olib tashlash, portlarga kirishga ruxsat berish, bank operatsiyalarini amalga oshirdi. Ammo Yevropada bu jarayonni to‘xtatib qo‘yishni istaydigan davlatlar ham bo‘ldi. Biz umidimizni yo‘qotmaymiz va sa’y-harakatlarimizni davom ettiramiz”,— deydi Chavusho‘g‘li.

• Mavlud Chavusho‘g‘li
• NATO
• Ukraina