Navoiy viloyatida fuqaroni obro‘sizlantirmoqchi bo‘lgan tovlamachilar ushlandi. Bu haqda Bosh prokuratura huzuridagi Iqtisodiy jinoyatlarga qarshi kurashish Departamentining matbuot xizmati xabar berdi.

Qayd etilishicha, Bosh prokuratura huzuridagi Departamentning Navoiy viloyat boshqarmasi tomonidan IIB xodimlari bilan hamkorlikda tezkor tadbir o‘tkazilgan. Ushbu jarayon davomida, fuqaro S.S. va boshqalar o‘zaro til biriktirib, fuqaro D.N.ning sha’ni va qadr-qimmatiga putur yetkazadigan fotosuratlarni ijtimoiy tarmoqlarda tarqatish va oila a’zolariga ko‘rsatish bilan qo‘rqitib, evaziga undan 1 000 AQSh dollari berishini talab qilayotgani anqilangan. Shundan so‘ng, 800 AQSh dollarini olgan vaqtlarida huquq tartibot organi xodimlari tomonidan ashyoviy dalillar bilan ushlanganlar.

Tergovga qadar tekshiruv davomida, fuqaro S.S. fuqaro D.N.ni yuqoridagi kabi harakatlar bilan qo‘rqitib, jami 140 mln so‘mini qo‘lga kiritganligi aniqlangan.

Mazkur holat yuzasidan Jinoyat kodeksining 165-moddasi (tovlamachilik) bilan jinoyat ishi qo‘zg‘atilib, tergovga tegishliliga ko‘ra yuborilgan.

• Departament
• Shaxsiy