AQSh davlat Departamenti spikeri Nensi Pelosi rasmiy uchrashuv bilan Armanistonga tashrif buyurdi.

Nutqining avvalida Pelosi: “Bizning uchrashuvimiz Ozarbayjonning Armaniston hududiga noqonuniy hujumlari tufayli biz uchun yana alohida ahamiyatga ega bo‘ldi”, - dedi.

Pelosi urushni keskin qoralashini ma’lum qilgan, shu bilan birga AQSh rasmiysining izohlari Ozarbayjon tomonidan keskin qoralandi.

Boku Armaniston provokatsiyalariga javob berishga majbur bo‘lganini ma’lum qildi, ammo Armaniston mojaro qayta boshlangani uchun Ozarbayjonni ayblamoqda.

Armanistonning ma’lum qilishicha, Ozarbayjon 13-sentabr yarim tundan so‘ng chegara ichidagi kamida oltita arman aholi punktini o‘qqa tutib, fuqarolik va harbiy infratuzilmaga uchuvchisiz uchoqlar va yirik kalibrli qurollardan hujum qilgan.

Manbalarga ko‘ra, Yerevan buni asossiz tajovuz ekanini aytgan.

Hozirda Tog‘li Qorabog‘da Rossiya tomonidan qo‘llab-quvvatlanadigan Kollektiv Xavfsizlik Shartnomasi Tashkiloti zararni baholamoqda. Armaniston ushbu tashkilotga a’zo.

Qo‘shma shtab boshlig‘i Anatoliy Sidorovning aytishicha, Tashkilot imkon qadar xolis bo‘lishga va haqiqatda nima bo‘lganini aniqlash uchun faktlar bilan ishlashga harakat qilmoqda.

• AQSh
• Armaniston
• Ozarbayjon
• Pelosi