LEGO konstruktorlaridan turli predmetlar yasash bolajonlarning sevimli mashg‘uloti sanaladi. Biroq bu zavqdan ba’zida ota-onalar ham o‘zlarini bebahra qilmaydilar. Va juda to‘g‘ri qiladi. Chunki olimlar mazkur o‘yinchoqning kattalar ongiga ham beqiyos ta’sirini tadqiq qildilar. Kattalar LEGO o‘ynayotganida ular bilan quyidagi ijobiy o‘zgarishlar sodir bo‘ladi.

1. Konsentratsiyani yaxshilaydi
Yaqin yillarda bir nechta vazifalarni birgalikda bajarish yuksak qobiliyat sifatida baholangan. Biroq hozirda olimlar bu strategiyaning samarasiz ekanligini isbotlashdi. Ko‘p sonli vazifalar orasida ko‘chib yurish samaradorlikni 40 foizga kamaytiradi va tushkunlik keltirib chiqaradi. Undan ko‘ra, diqqatni bir mashg‘ulotga qaratgan ma’qul. Aksariyat insonlar uchun bir narsaga diqqatni jamlash juda qiyin tuyuladi. Ana shunday kishilarga LEGO o‘yinchog‘i bu ko‘nikmani qaytaradi. Hech bo‘lmasa, oxirida nima chiqishiga qiziqib ham boshqa narsaga chalg‘iy olmaysiz. Shu tariqa keyinchalik ish hisobotlarini yozishda ham qiynalmaysiz.

2. Miyani mashq qildiradi
Garchi, miya mushak bo‘lmasa ham uni muntazam mashq qildirib turish lozim. Tadqiqotlar turli shakldagi boshqotirmalar miyada fikrlash qobiliyatini rivojlantirishini tasdiqladi. Chunki naborni o‘ynash davomida siz bir qator muammolarni hal qilasiz. Dastlab qismlar yo‘qolib qolmasligi uchun o‘ynash maqsadida keng joy ochvolasiz, keyin rangi va qabartmalarini bir-biriga to‘g‘rilab, miyangizga tiklagan shaklda LEGO bo‘lakchalarini terib chiqasiz. Miya uchun siz davlat ahamiyatiga molik yumushni bajaryapsizmi yoki konstruktor o‘ynayapsizmi, farqi yo‘q. Rivojlanishi uchun miyaga yangi taassurotlar kerak. Buni esa unga LEGO o‘yinchog‘i beradi.

3. Bolalikdagi istagingizni yuzaga chiqaradi
Agar bolaligingizda sizga velosiped olib berishmagan bo‘lishsa, hozir BMW markali mashinangiz bo‘lsa ham, qalbingizda armon qolib ketgan bo‘ladi. Bundan o‘ttiz, qirq yillar avval hamma ham bolasiga LEGO olib bera olmagan. Yoshingiz ulg‘ayib, uni o‘ynaganingizda qalbingizdagi bo‘shliq to‘ladi. Bu – o‘ziga xos psixoterapevtik effekt hisoblanadi.

4. O‘zingizga bo‘lgan ishonchingizni oshiradi
Har bir insonda harakatlaridan hech bir ish chiqmaydigan omadsiz kunlar bo‘ladi. Biroq kichik muvaffaqiyat yordamida o‘ziga bo‘lgan ishonchni qaytarish eng to‘g‘ri yo‘l bo‘ladi. LEGO qismlarini yig‘ish bu borada ajoyib variant. Siz vaqtni samarali o‘tkazib, kafolatlangan samaraga ega bo‘lasiz. Bunga sabab, LEGO kompaniyasi o‘z to‘plamlarini yaratish ustida jiddiy ish olib borgan. Qismlarni ishlab chiqarishda ishlatiladigan qoliplar 0,002 mm.dan oshmaydigan xatolikda bo‘ladi. Shuning uchun kubiklar bir-biriga mahkam yopishadi va orasida bo‘shliq qolmaydi.

5. Tushkunlikdan qutqaradi
Diqqatni jamlashni talab etadigan bu mashg‘ulot xavotir hissini ham miyadan chiqarib tashlaydi. Siz konstruktor yig‘ishga kirishganingizda mantiqiy fikrlab, diqqatingizni bir nuqtaga yo‘naltirasiz va hozirgi lahza bilan yashay boshlaysiz. So‘rovnomalarda LEGO o‘ynaydigan 91 foiz kattalar o‘zlarini ancha yaxshi his qilishgan.

6. Ilhom beradi
Ijodkorlik 99 foiz mehnatdan iborat, deyishadi. Biroq ilhom ijodkor insonning uchar qanoti bo‘lib kelgan, doimo. LEGO konstruktori asab tizimini faollashtirib, xayolotga foydali ta’sir ko‘rsatadi. Va bu, o‘z navbatida, masofaviy fikrlashni rivojlantirib, o‘ziga xos yechimlar topishga undaydi.

7. Kolleksiya qilish imkoniyatini tuhfa etadi
LEGO yig‘ish siz uchun qiziqarli va foydali mashg‘ulotga aylanishi mumkin. Buning uchun sizni qiziqtirgan biror mavzuni tanlang. Masalan, agar siz Yulduzlar jangini yaxshi ko‘rsangiz, ayni shu mavzudagi konstruktorlarni yig‘ishingiz mumkin. Birinchi marta LEGO 1999-yilda koinot to‘plamini chiqardi va o‘shandan beri o‘z muxlislarini yangidan-yangi to‘plamlar bilan quvontirib kelmoqda. Bunday to‘plamlar nafaqat yoqimli va foydali vaqt o‘tkazish, balki haqiqiy muxlisning javonini bezash imkoniyatini taqdim etadi. Eng katta shaxsiy to‘plam avstraliyalik Frank Smoyesga tegishli. 2017-yilda u hatto Ginnesning rekordlar kitobiga kirdi. O‘sha paytda u 3837 to‘plam, kamida 1,2 million qism va 8 mingdan ortiq mini-figuralarga ega edi.

8. Matematik bilimlaringizni oshiradi
Tadqiqotlar shuni ko‘rsatadiki, konstruktordan turli xil obyektlarni qurishga ko‘p vaqt sarflaydigan odamlar matematik muammolarni yaxshiroq hal qilishadi. Bu, fazoviy qobiliyat va matematik qobiliyat o‘rtasidagi yaqin aloqalar borligini bildiradi.

9. Qo‘l uchi motorikasini rivojlantiradi
LEGO konstruktori nozik vositalar bilan ishlash ko‘nikmalarini rivojlantirishga yordam beradi. Bir vaqtning o‘zida juda ko‘p kichik detallar bilan ishlash muhim tizimlarni qo‘zg‘atish xususiyatiga ega. Vizual, mushak, suyak va asab, barmoq uchlarida ko‘plab nerv tugunlari mavjud. Siz dam olayotib, LEGO konstruktorini qurishga o‘tirganingizda miyangiz faol ishlamoqda va yangi tajribalar to‘plamoqda. Bu vosita rejalashtirish mexanizmini takomillashtirishga yordam beradi. Ayniqsa, to‘plamda 864 ta qism mavjud bo‘lsa va siz ulardan Xalqaro kosmik stansiyasining miniatyura modelini yig‘ishingiz kerak bo‘lsa... Tajribali LEGO yig‘uvchilar uchun yana-da jiddiy vazifalar mavjud: “Manchester Yunayted” futbol klubining 3,898 qismdan iborat Old Trafford stadioni maketini yig‘ish.

10. Jamoa bo‘lib ishlash qobiliyatini rivojlantiradi
Ko‘plab stipendiya dasturlari va biznes maktablari o‘quv-mashg‘ulotlarini bir guruh talabalar bilan birgalikda LEGO qismlari, plastik stakanlar yoki boshqa materiallardan qurmoqda. Tashqi tomondan, bir guruh kattalar shunchaki bema’ni ishlar qilayotganga o‘xshaydi. Biroq bunday musobaqalar orqali jamoada kim yetakchi rol o‘ynashi va jamoa a’zolarining bir-birlarini tushunish darajasini bilib olish qiyin emas.

• Foydali
• qiziqarli