Olimlarning ogohlantirishicha, tungi osmondagi “yorug‘lik ifloslanishi” natijasida yulduzlarni 20 yildan keyin oddiy ko‘z bilan ko‘rib bo‘lmaydi.

Yorug‘lik chiqaradigan diodlar va boshqa ko‘cha yoritgichlarining keng qo‘llanilishi tunda osmonni sezilarli darajada yoritadi va yulduzlarni inson ko‘ziga ko‘rinishini qiyinlashtiradi.

2016-yilda astronomlar dunyo aholisining uchdan bir qismi Somon yo‘lini boshqa kuzata olmasligini aniqladilar va o‘shandan beri yorug‘lik ifloslanishi yanada yomonlashdi. Olimlar 20 yildan so‘ng osmonda asosiy yulduz turkumlarining aksariyatini ko‘rish qiyin bo‘lishi haqida ogohlantirmoqda. Bu jiddiy madaniy va ilmiy yo‘qotishlarga olib keladi, deydi olimlar.

Nemis fizigi Kristofer Kiebning aytishicha, yorug‘lik ifloslanishi har yili osmon yorqinligini 10 foizga oshiradi. 

Olimlarning ta'kidlashicha, tungi osmondagi yorug‘lik ifloslanishi hali ham jamiyat tomonidan tahdid sifatida qabul qilinmayapti. Ular shoshilinch choralar ko‘rishni talab qilmoqdalar, chunki astronomik va madaniy ta’sirlardan tashqari yorug‘lik ifloslanishi jiddiy ekologik oqibatlarga olib keladi: dengiz toshbaqalari va oy nuriga ergashuvchi ko‘chmanchi qushlar adashib, nobud bo‘ladi. 

• Lifestyle
• qiziqarli