Sky News nashrining ma’lum qilishicha, polshalik olimlar DNK, 3D printer va loy yordamida 400 yil ilgari yashagan qizning ko‘rinishini qayta tiklashdi.

2022-yilda Polshaning Nikolay Kopernik universiteti arxeologlari tomonidan bu qizning ismi mahalliy aholining orasida Zosia bo‘lganini hamda uning qoldiqlarini aniqlaganlar.

Qizning qoldiqlari bo‘ynida o‘roq, oyoqlariga esa osma qulf osilgan holda topilgan. O‘sha davrda bular vampirlardan himoya qilgan, degan qarashlar bo‘lgan.

Zosianing jasadlari tahlili shuni ko‘rsatadiki, u vafot etgan paytda 18-20 yoshda bo‘lgan. Qiz hushdan ketish, kuchli bosh og‘rig‘i va ruhiy salomatlik bilan bog‘liq muammolarga olib kelishi mumkin bo‘lgan kasallikdan aziyat chekkan.

Mutaxassislar rekonstruksiyani 3D printerda bosh suyagining nusxasini yaratishdan boshlagan, keyin esa realistik yuzni shakllantirish uchun plastilin qatlamlarini asta-sekin kengaytirgan. Yuz chuqurligini baholashda suyaklar tuzilishi jins, yosh, etnik kelib chiqish va taxminiy vazn ma’lumotlari bilan birga hisobga olingan.

Zosianing hayoti haqida oz narsa ma’lum, ammo mutaxassislar, u boy, ehtimol, aslzoda oiladan bo‘lishi mumkinligini ta’kidlaydi.

• Arxeologiya
• Olimlar
• qiziqarli
• tadqiqot
• topilma