Xalqaro tadqiqotchilar guruhi Yerga eng yaqin qora tuynukni aniqladi. Tadqiqot ESAning Gaia rasadxonasi ma’lumotlari asosida o‘tkazildi.

Olimlar g‘ayrioddiy orbital xususiyatlarga ega quyoshga o‘xshash yulduzni topdilar. Ular uning yonida qora tuynuk bor degan xulosaga kelishdi. Tizim Yerdan 1565 yorug‘lik yili uzoqlikda joylashgan.

Sariq G-tipli yulduz Gaia DR3 4373465352415301632 ilmiy belgisiga ega, olimlar uni Gaia BH1 deb ham atashadi. Kuzatishlar shuni ko'rsatdiki, u ko'rinmas markaz atrofida ellipsni tasvirlaydi.

Orbitaning kattaligi va aylanish davriyligidan kelib chiqqan holda, qora tuynukning massasi taxminan 10 quyosh massasiga teng bo‘lishi kerak. Bu Somon yo‘lidagi rentgen nurlari va boshqa energiya emissiyalarisiz aniqlangan birinchi qora tuynukdir.

Olimlarning ta’kidlashicha, Somon yo‘lida juda ko‘plab qora tuynuklar bo‘lishi mumkin. Kompyuter modellari shuni ko‘rsatadiki, ularning galaktikadagi soni 100 milliongacha bo‘lishi mumkin, shu bilan birga hozirgacha atigi 20 ta bunday obyekt aniqlangan.

• Koinot
• Lifestyle
• ilm-fan
• qiziqarli