Adliya vazirligi oliy ta’lim muassasalarida kontrakt to‘lovi tartibini belgilaydigan nizomga o‘zgartishlar kiritdi.

Yangi tartibga ko‘ra:

-abituriyentlar kontrakt to‘lovining kamida 25 foizini 15-sentyabrgacha, yuqori kurs talabalari esa 1-oktyabrgacha to‘lashi kerak;

-to‘lovning 50 foizi 1 yanvargacha, 75 foizi 1-martgacha, 100 foizi esa 1 maygacha amalga oshirilishi shart.

OTM rektorlari ushbu muddatlarni uzaytirish huquqiga ega. Shuningdek, Davlat komissiyasi ham to‘lov muddatlarini uzaytirishni ma’qullashi mumkin.

Kontraktdan tushgan mablag‘lar yosh o‘qituvchilar va ilmiy xodimlarni xorijiy ta’lim muassasalarida malaka oshirishga yo‘naltirilishi mumkin.

Bundan tashqari, OTMlar yiliga bir talabaga eng kam ish haqining 6 baravarigacha moddiy yordam berish huquqiga ega bo‘ladi. Bu mablag‘ ham kontrakt tushumlaridan ajratiladi.

• Kontrakt
• OTM