O‘zbekistonda oliy ta’lim muassasalariga kirish testlarida eng yuqori natijani qayd etgan maktab bitiruvchilari soni yildan-yilga ortib bormoqda.

Maktabgacha va maktab ta’limi vazirligi ma’lumotlariga ko‘ra, 2026-yilda 4 825 nafar bitiruvchi 189 ballik maksimal natijani qayd etgan. Bu ko‘rsatkich 2025-yilda 619 nafar, 2024-yilda esa 101 nafarni tashkil qilgan.

Shu tariqa, maksimal ball olgan bitiruvchilar soni bir yil ichida qariyb 8 baravarga oshgan.

Bundan tashqari, test sinovlarida 56,7 balldan past natija ko‘rsatgan bitiruvchilar soni ham kamaygan. 2026-yilda bunday bitiruvchilar soni o‘tgan yilga nisbatan 5 foizga yoki qariyb 13 ming nafarga qisqargan.

Vazirlik ma’lumotlariga ko‘ra, so‘nggi uch yil davomida davlat oliy ta’lim muassasalariga qabul qilingan maktab bitiruvchilari soni 3,5 foizga oshgan.