“O‘zbekistonning Ozarbayjondagi elchixonasi diplomatlari xorijda og‘ir hayotiy vaziyatga tushib qolgan vatandoshlarga yordam ko‘rsatishda davom etmoqda”, – deb xabar bermoqda “Dunyo” agentligi.

Sog‘ligidagi jiddiy muammolar, jumladan, mikroinfarktni boshidan kechirgan o‘zbekistonlik ayol elchixonasiga vatanga qaytish guvohnomasini rasmiylashtirishda amaliy yordam so‘rab murojaat qilgan.

Elchixona bildirgan ma’lumotlarga ko‘ra, fuqaro ko‘p yillar davomida Ozarbayjonda zarur hujjatlarni rasmiylashtirmasdan yashab kelgan va doimiy ko‘chib yurishlar oqibatida shaxsini tasdiqlovchi hujjatini ham yo‘qotgan.

Fuqaroning tibbiy holati, doimiy yashash joyining yo‘qligi va og‘ir moddiy ahvolini hisobga olgan holda, diplomatlar tomonidan aviachipta sotib olishni ham o‘z ichiga olgan shoshilinch repatriatsiya ishlari amalga oshiril

Hozirda ayol vatanga muvaffaqiyatli qaytarilib, tegishli mutasaddi tashkilotlar tomonidan unga barcha zaruriy tibbiy hamda ijtimoiy yordam ko‘rsatilmoqda.

• Dunyo
• Elchixona
• Ozarbayjon
• O‘zbekistonlik