Prezident Administratsiyasi rahbari Saida Mirziyoyeva jamoa bilan muhim yo‘nalishlar va yaqin istiqbolda amalga oshirilishi mumkin bo‘lgan yirik loyihalarni muhokama qildi.

“Administratsiyada biz jamoa bilan katta miqyosdagi muhokama o‘tkazdik. Muhim yo‘nalishlar va yaqin kelajakda amalga oshirishimiz mumkin bo‘lgan yirik loyihalarni ko‘rib chiqdik”, — deb yozdi Saida Mirziyoyeva.

Uning ta’kidlashicha, bunday muhokamalar muntazam ravishda o‘tkaziladi. Unda ustuvor vazifalar belgilanib, dolzarb masalalar tahlil qilinadi va turli yechimlar orasidan samaralilari tanlanadi.

Muhokamalar yakunida aniq vazifalar belgilanib, Prezidentga taqdim etiladigan takliflar shakllantiriladi.