Jizzax viloyati Forish tumanida Gentra haydovchisi piyodalar o‘tish joyidan o‘tayotgan bolani urib yuborishiga sal qoldi. Holat 10-sentyabr kuni sodir bo‘lgan.

Videoda avtomobil bolaning yonidan juda yaqin masofada o‘tib ketgani aks etgan. Shu paytda boshqa bir o‘quvchi bolani qo‘lidan ushlab, yo‘l chetiga olib chiqqan.

Yo‘l harakati xavfsizligi xodimlari haydovchini aniqlab, unga nisbatan Ma’muriy javobgarlik to‘g‘risidagi kodeksning 128-prim 5-moddasi bilan bayonnoma rasmiylashtirdi. Avtomobil jarima maydoniga joylashtirildi.

Haydovchi YPX xodimlariga ukasini kasalxonaga olib ketayotganini aytib, qilmishidan afsusdaligini bildirgan.