Hozirda tabiiy uran konsentrati 3 526 tonnaga teng bo‘lib, bu ko‘rsatgich shu yilning o‘zida yana 30 tonnaga oshiriladi.

O‘zbekistonda 2030-yilga borib uran ishlab chiqarish hajmi 7 100 tonnagacha ko‘paytiriladi.
Keltirilishicha, hozirda uran zaxiralari hajmi 4 761 tonnani tashkil etmoqda. Bu ko‘rsatgich 2030-yilga borib 10 500 tonnaga yetishi prognoz qilinmoqda.

2022-2030-yillarda korxonalar tomonidan uran, nodir va kamyob metallar resurslari hamda zaxiralarini ko‘paytirish bo‘yicha geologiya-qidiruv, ilmiy tadqiqot va tajriba-sinov ishlari yo‘lga qo‘yiladi.

Shuningdek, kadrlarga bo‘lgan ehtiyojdan kelib chiqib, mamlakatda yangi ta’lim yo‘nalishlarini ochish bo‘yicha Rossiyaning “MMFI” milliy tadqiqot yadro instituti kabi boshqa xorijiy OTMlar bilan hamkorlik yo‘lga qo‘yiladi.

Ma’lumot uchun, O‘zbekiston o‘tgan yilda uran qazib oluvchi davlatlar reytingidagi beshinchi o‘rinni qayd etgan. Mamlakatda yiliga barqaror ravishda 3,5 ming tonna uran ishlab chiqariladi.

• Uran