Kelayotgan hafta boshlarida O‘zbekistonda beqaror ob-havo bo‘lishi kutilmoqda.
O‘zgidromet 11–12-aprel kunlari janubidan kirib kelayotgan siklon oqibatida, respublikaning ko‘plab hududlarida kuchli shamollar, chaqmoq-momaqaldiroq xususiyatga ega yog‘inlar hamda ayrim hududlarda chang to‘zonlar ko‘tarilishi haqida prognoz xabar ishlab chiqdi. 

Xususan, mutaxasislar 11-aprel kuni Jizzax va Surxondaryo viloyati ayrim hududlarida shamol tezligi kuchayganda 25-28 m/s kuchga ega kuchli shamollar bo‘lishidan ogohlantirishmoqda.

Oy boshidagi quruq va issiq havo ortidan, janubiy siklon ham mintaqadan mavsumga xos bo‘lmagan noodatiyroq ob-havo hodisalari bilan o‘tishi ma’lum bo‘lmoqda. 11-aprel shimoliy hududlar, 12-aprel Toshkent, Sirdaryo, Jizzax, Samarqand viloyatida kutilayotgan yog‘inlar chaqmoq momaqaldiroqli xususiyatli bo‘lib, qisqa muddatli jala yog‘inlar yog‘ishiga olib keladi.

13–14-apreldan respublikada yana barqaror, yog‘ingarchiliksiz havo oqimi  hukmron bo‘ladi. Harorat yana ko‘tariladi.

• Ob-havo
• O‘zbekiston
• Toshkent
• aprel