Qozog‘istonda O‘zbekistondan migratsiya bo‘yicha rekord o‘rnatildi. Bu haqda Sputnik Telegram kanali xabar berdi.

Qayd etilishicha, joriy yilning birinchi yarmida O‘zbekistondan Qozog‘istonga doimiy yashash uchun 4838 kishi kelgan bo‘lsa, atigi 65 nafari chiqib ketgan. Natijada kelganlar va ketganlar orasidagi farq 4773 nafarni tashkil qildi.

Bu o‘tgan yilgi ko‘rsatkichdan 54 foizga yuqori, shuningdek, kamida 5 yillikdagi rekorddir, deb xabar beradi DataHub tahliliy portali.

Ta’kidlanishicha, O‘zbekistondan kelayotganlarning asosiy qismini (71 foiz) qozoqlar tashkil qiladi .

Shu bilan birga, ko‘pincha kelganlar Mang‘istau – (27 foiz) va Olmaota – (25 foiz) viloyatlariga joylashgan.

• Migratsiya
• Qozog‘iston