Prezidentning maxsus vazifalar bo‘yicha maslahatchisi Sardor Umurzoqovga yangi tashkil etilgan Muvofiqlashtiruvchi kengash ishini tashkil etish bo‘yicha qo‘shimcha vakolatlar berildi.

O‘zbekistonning ichki va tashqi siyosatiga oid tahliliy masalalarni hal etish bo‘yicha Muvofiqlashtiruvchi kengash tuzildi. Uning vazifalari qatoriga strategik tadqiqotlarni tashkil etish, shuningdek, siyosiy va iqtisodiy rivojlanishning asosiy masalalari bo‘yicha muntazam ravishda prezidentga takliflar kiritish kiradi. 

Kengash faoliyatini muvofiqlashtirish va idoralararo hamkorlikni ta’minlash Prezidentning alohida vazifalar bo‘yicha maslahatchisi Sardor Umurzoqov zimmasiga yuklandi. 

Kengash ishchi guruhlari quyidagi yo‘nalishlarda ish olib boradi: 

xavfsizlik va ijtimoiy barqarorlik;

davlat va jamiyat qurilishi;

ijtimoiy-iqtisodiy rivojlanish;

tashqi siyosat va xalqaro hamkorlik;

strategik rejalashtirish va hududlarni rivojlantirish;

ekologik kun tartibi, jumladan iqlim o‘zgarishi va suv tanqisligi masalalari.

• O‘zbekiston
• Sardor Umrzaqov