Buyuk Britaniyaning nufuzli “The Guardian” nashri jahon futbolidagi eng istiqbolli 60 nafar yosh futbolchini e’lon qildi. Bu ro‘yxatdan O‘zbekiston U-17 terma jamoasi a’zosi Sadriddin Hasanov ham o‘rin egalladi.

U-17 Osiyo kubogi finalida O‘zbekiston terma jamoasi Saudiya Arabistoniga qarshi bahs olib borgan. Birinchi bo‘limda hisob ochilmagan bo‘lsa-da, o‘yinning ikkinchi yarmida o‘zbekistonliklar ikkita chetlatishdan so‘ng 9 kishi bo‘lib qolgan. Ayni murakkab vaziyatda birinchi gol penaltidan urilgan bo‘lsa, ikkinchi golning yuzaga kelishida Sadriddin Hasanovning individual harakatlari katta rol o‘ynagandi. Musobaqa davomida Hasanov jami to‘rtta gol muallifi bo‘lib, turnirning eng yaxshi futbolchisi deb topilgan edi.

Chap qanotdan ichkariga kesib kirishni xush ko‘radigan, tezligi va kuchli zarbasi bilan ajralib turadigan Hasanovda gol sezish qobiliyati ham yuqori. Maqolada u Osiyoning “Yilning eng yaxshi yosh futbolchisi” unvoniga da’vogar sifatida tilga olingan.

• Buyuk Britaniya
• Futbol