Pullik Telegram Premium obunasi iyun oyida foydalanuvchilarga taqdim etiladi. Bu haqda messenjer asoschisi Pavel Durov ma’lum qildi.

“Obuna har kimga qo‘shimcha funksiyalar, tezlik va resurslarga ega bo‘lish imkonini beradi. Uning yordami bilan foydalanuvchilar Telegram’ni qo‘llab-quvvatlashlari va yangi funksiyalarni birinchi bo‘lib oladigan hamjamiyatga qo‘shilishlari mumkin bo‘ladi”, deyiladi xabarda.

Xususan, barcha joriy Telegram funksiyalari bepul qoladi. Bundan tashqari, yaqin kelajakda messenjer platformaning barcha foydalanuvchilari uchun mavjud bo‘lgan yangi vositalarga ega bo‘ladi.

Taxminlarga ko‘ra, Telegram Premium abonentlari hozirgi 2 Gb o‘rniga 4 Gb gacha bo‘lgan fayllarni yuklashlari mumkin. Bundan tashqari, papkadagi chatlar soni, shuningdek, kanallar va superguruhlardagi obunalar uchun ikki tomonlama cheklovlar mavjud bo‘ladi. Jumladan, xabarlar va premium stikerlarga nisbatan kengaytirilgan reaksiyalar to‘plamiga kirish imkoniyati ochiladi.

Durovning soʻzlariga koʻra, reklama kontentini integratsiyalash boʻyicha tajriba muvaffaqiyatli chiqqaniga qaramay, Telegram asosan reklama beruvchilar tomonidan emas, balki foydalanuvchilar tomonidan moliyalashtirilishi kerak. Shu sababli Telegram’ning asosiy ustuvorligi reklama beruvchilar emas, foydalanuvchilardir.

• Jahon
• Telegram
• texnologiya