Vakillar palatasi spikeri Nensi Pelosining 82 yoshli turmush o‘rtog‘i Pol Pelosi San-Fransiskodagi uyida bosqinchilar tomonidan qattiq kaltaklandi.
Keltirilishicha, Pol Pelosi boshi va tanasidan to‘g‘ridan-to‘g‘ri jarohat olgan. Hozirda ko‘karishlar, qattiq shish va boshqa jarohatlar tufayli shifokorlar tomonidan davolanmoqda.
Pelosining matbuot kotibi Dryu Xemmill uning sog‘ligi to‘liq tiklanishi kutilayotganini aytdi.
Ayni paytda hujum qilgan shaxs hibsda, hujum sabablari tekshirilmoqda.
Hujumning holatlari noma‘lum bo‘lsa-da, hujum Kongress a’zolari va ularning oilalari xavfsizligiga oid savollarni tug‘diradi, chunki qonunchilarga tahdidlar Kapitoliy qo‘zg‘olonidan deyarli ikki yil o‘tib eng yuqori darajaga ko‘tarildi.
2021-yilda Kapitoliy politsiyasi Kongress a’zolariga nisbatan qilingan 9600 ga yaqin tahdidlarni tekshirgan edi va so‘nggi yillarda kongress a‘zolari ko‘p hujumga uchramoqda.
Jumladan, Sobiq deputat Gabriel Giffords, D-Ariz, 2011-yilda Tucson oziq-ovqat do‘koni oldidagi tadbirda boshidan otib o‘ldirilgan, vakil Stiv Skaliz qurollangan shaxsning Respublikachilar kongressiga qarata o‘t ochishi natijasida og‘ir yaralangan edi.
Kapitoliy politsiyasining ma’lum qilishicha, FQB va San-Fransisko politsiyasi ham tergov olib bormoqda. Gumonlanuvchi esa San-Fransisko politsiyasi hibsxonasida saqlanmoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!