Bugun Toshkent shahrida 10 mart – Xalqaro ayol sudyalar kuniga bag‘ishlangan tantanali bayram tadbiri bo‘lib o‘tdi. Tadbirda sudyalar hamjamiyati, sud faxriylari, Xitoy, Turkiya, Ozarbayjon, Qozog‘iston va Qirg‘izistondan tashrif buyurgan ayol sudyalar, xalqaro tashkilotlar vakillari ishtirok etishdi.

Ta’kidlash joiz, O‘zbekistonda ilk bor bir vaqtning o‘zida o‘n nafar ayol sudya davlat mukofotlariga sazovor bo‘ldi. Tasavvur qilib ko‘rish uchun shu paytgacha atigi 15 nafar ayol davlat mukofotlariga sazovor bo‘lgan xolos.

Tadbirda Prezident Administratsiyasi rahbari Saida Mirziyoyeva ham ishtirok etdi hamda BMT tomonidan ta’sis etilgan “Xalqaro ayol sudyalar kuni” munosabati bilan ayol sudyalar davlat mukofotlari bilan taqdirlangani, buni qat’iyati va halolligi bilan odil sudlovni amalga oshirayotgan insonlarga bo‘lgan yuksak hurmat ifodasi, deb bilishini ma’lum qilgan.

E’tiborlisi, mamlakatda ayollarning jamiyatda o‘z o‘rnini topishi bilan bog‘liq amalga oshirilayotgan islohotlar natijasida so‘nggi 10 yilda ayol sudyalar soni 2 barobarga oshgan.

• Saida Mirziyoyeva
• tadbir