Mamlakat hukumat neftni qayta ishlash kompaniyalariga yangi eksport shartnomalarini tuzmaslik va kelishilgan jo‘natmalarni bekor qilish bo‘yicha ko‘rsatma bergan. Vaqtinchalik saqlash omborlaridagi aviatsiya va bunker yonilg‘isi, shuningdek, Gonkong va Makaoga yetkazib berish bundan mustasno.

Xitoyda benzin, dizel va aviatsiya yonilg‘isi eksporti odatdagi vaqtda ham Savdo vazirligi tomonidan yirik qayta ishlovchilar va treyderlar o‘rtasida taqsimlanadigan kvota tizimi bilan cheklangan. Kvota tizimi Xitoy hukumatiga ichki talab va taklif o‘rtasidagi muvozanatni saqlash, shuningdek, jahon bozorlaridagi o‘zgarishlarga tezkor javob berish imkonini beradi.

2022-yilda Ukrainada urush boshlanganidan keyin Pekin bir necha bor eksport kvotalarini qisqartirdi yoki kechiktirdi, bu esa yetkazib berish hajmini kamaytirgan. Ba’zi tahlilchilarning fikricha, shu yo‘l bilan Pekin yuqori geosiyosiy keskinlik sharoitida ichki barqarorlik va energetika xavfsizligini ta’minlashga intilmoqda.

• Eksport
• Xitoy
• neft
• taqiq