Janubiy Afrika Respublikasi Xalqaro Jinoiy sud orderi sababli Putinni G20 sammitiga taklif qilmaydigan bo‘ldi. Bu haqda Janubiy Afrika prezidentining rasmiy vakili Vinsent Magvenya ma’lum qildi.

Bunga Gaagadagi Xalqaro jinoiy sud tomonidan Putinni hibsga olishga berilgan order sabab bo‘lgan. Janubiy Afrika XJS faoliyatining asosini tashkil etuvchi Rim statutini ratifikatsiya qilgan va agar Rossiya prezidenti mamlakatga tashrif buyursa, uni hibsga olishi kerak. Shu kabi qoidalar 2023-yil 22-24-avgust kunlari Yoxannesburgda bo‘lib o‘tgan BRICS’ning 15-sammitida ham amal qilgan.

“BRICS’ning Yoxannesburgdagi sammitidan buyon huquqiy vaziyat o‘zgarmadi, biz XJS qarorlariga ta’sir qila olmaymiz”, — degan Magvenya.

• JAR
• Putin
• Xalqaro jinoyat sudi