Parlament spikeri Nurlanbek Shakiyev qara-qirg‘iz avtonom viloyatining 100 yilligiga va davlat arbobi Imanala Aydarbekovning 140 yilligiga bag‘ishlangan tadbirda Qirg‘iziston madhiyasini qayta yozishini ma’lum qildi. Bu haqda 24.kg. xabar berdi.

“Biz hozirgi madhiyani Sovet Ittifoqidan endigina chiqqanimizda qabul qilgan edik. Endi biz oyoqqa turgan va rivojlanish yo‘lida bo‘lgan davlatmiz. Shuning uchun biz madhiyani o‘zgartirishimiz kerak. U shunday bo‘lishi kerakki, hamma baralla aytsin”, – dedi Nurlanbek Shakiyev.

Qirg‘iziston Respublikasining davlat madhiyasi 1992-yil 18-dekabrda Qirg‘iziston Respublikasi Oliy Kengashining qarori bilan tasdiqlangan. Dastlab u uchta misra va xordan iborat edi, ammo 2012-yil 27-dekabrda Jogorku Kenesh qarori bilan ikkinchi misra chiqarib tashlangan.

• Madhiya
• Qirg‘iziston