Qozog‘iston Kaspiy dengizi tubi bo‘ylab Ozarbayjongacha optik tolali internet kabeli o‘tkazadi. Ushbu jarayon taxminan ikki yil davom etishi rejalashtirilgan.

Qozog‘iston va Ozarbayjon 2019-yilda Internet magistralini qurish bo‘yicha kelishuv imzolagan edi. Loyiha Yevropa va Osiyo o‘rtasidagi raqamli koridorning bir qismiga aylanishi kerak. U Germaniyadan Xitoygacha 20 ga yaqin davlatni qamrab oladi.

Loyihaning eng ko'p vaqt talab qiladigan va qimmatga tushadigan qismi dengiz tubi bo'ylab kabel yotqizishdir. Kaspiyda 400 kilometrga yaqin tarmoqlar mavjud. Mamlakatlar xarajatlarni teng taqsimlaydilar. Qozog‘iston uchun loyiha ustuvor yo‘nalishlardan biri sifatida qaralmoqda.

“Biz Kaspiy dengizi tubi bo‘ylab optik tolali aloqa liniyalarini qurish bo‘yicha bir necha yo‘nalishda harakatni davom ettirish niyatidamiz. Bu loyiha haqida hamma gapiryapti. Biz Qozog‘iston deyarli butun Yevroosiyo uchun mana shunday ma’lumotlar markaziga aylanishi mumkinligini tushunamiz”, — deydi Qozog‘iston raqamli rivojlanish, innovatsiyalar va aerokosmik sanoat vaziri o‘rinbosari Asxat Orazbek.

Birinchi navbatda 5G tarmog‘i Nur-Sulton, Olmaota, Chimkent va viloyat markazlarida paydo bo‘ladi. Texnologiya 2024-yilda ommaga taqdim etilishi rejalashtirilgan.

Bu bilan Qozog‘istonda uyali aloqa va internet qamrovi 99 foizga yetadi. Boshqa hududlarda xizmatlar sun'iy yo'ldosh orqali amalga oshiriladi.

• Internet
• Ozarbayjon
• Qozog‘iston
• qiziqarli