Bolalikda rasm darsiga juda qiziqqansiz, toʻgʻrimi? Bolalarni tanqid bilan sindirish juda qiyin, ular tanqid nima ekanligini bilishmaydi, oʻzlari tomon bildirilgan salbiy fikrlarga kulib javob qaytarishdan nariga oʻtishmaydi. Yoshingiz katta boʻlib, aqlingizni taniy boshlaganingizdan keyin chizgan suratlaringiz aslida siz oʻylagandek chiroyli emasligini aytishadi, siz esa tanqidni qabul qilasiz va barchasiga qoʻl siltab ketasiz. Rasm chizishni bolalarga xos mashgʻulot deb qabul qilmang. Balki farzandlaringiz surat chizib oʻtirganlarida ularning yoniga borib, moʻyqalamni qoʻlga olish va bolalik onlarini ortga qaytarish kerakdir? Nima uchun deysizmi?
Rasm chizish stressdan xalos etadi
Qoʻllar ish bilan band boʻlgan holatda aql muammolarni vaqtincha boʻlsa ham unutadi, diqqat-eʼtiboringiz ayni daqiqalarda sodir boʻlayotgan voqeaga qaratiladi. Bu esa oʻz navbatida stressdan xalos boʻlishga yordam beradi.
Rasm chizish jarayonida organizmda kayfiyatni koʻtarishga yordam beruvchi va hayotdan qoniqish hissini paydo qiluvchi serotonin, endorfin, dofamin va norepinefrin gormonlari ishlab chiqariladi. Bir soʻz bilan aytganda, ruhshunos qabuliga borish oʻrniga rasm chizish bilan shugʻullansa ham boʻladi.
Miya faoliyati yaxshilanadi
Rasm chizish vaqtida miyaning har ikki yarimshari faol holatda boʻladi, bu ular oʻrtasidagi bogʻliqlikni mustahkamlashga yordam beradi. Neyropsixologlar miyaning ikkita yarimsharini bir vaqtda ishlatish foydali ekanligini aytishadi. Rasm chizish diqqatni bir yerga jamlashga oʻrgatadi, xotirani kuchaytiradi, kreativlikni oshiradi.
Oila aʼzolarini birlashtiradi
Rasm chizish – oila aʼzolari oʻrtasidagi munosabatlarni mustahkamlashga ham yordam beradi. Qoʻlingizga qogʻoz va qalam olib, stolga oʻtirishingiz bilan yoningizga boshqalar ham kelib oʻtirishiga shubha qilmang. Natijada yaqinlaringiz bilan ijodiy suhbat qurib, vaqtni birgalikda oʻtkazishingiz mumkin boʻladi.
Oʻzingizni yaxshiroq tushuna boshlaysiz
Rasm chizish – asablarni tinchlantirishga yordam beruvchi mashgʻulot. Jarayon davomida eʼtibor bir yerga qaratiladi, koʻzlar va qoʻllar harakati nazorat qilinadi. Baʼzida surat orqali ichki holat, xavotirlar va his-tuygʻularni aks ettirish ham mumkin. Bu esa oʻzingizni yaxshiroq tushunishga yordam beradi.
Чизишни ўрганиш учун кўп нарса керак эмас
Бунинг учун ортиқча заҳмат чекишга ҳожат йўқ. Шунчаки интернетдан видеодарсларни излаб топинг, уларни диққат билан томоша қилинг ва ишга киришинг. Хоҳишингизга кўра, тасвирий санъат курсларига қатнашингиз ҳам мумкин. Энг муҳими, "Туғма қобилиятим йўқ" деган баҳона билан истакдан воз кечманг.
Балки буюк рассом бўлиш учун туғма қобилият керакдир, аммо кунларингизни ранглар билан безаш учун истак бўлса етарли!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!