Yevropa Ittifoqi Tashqi ishlar xizmati matbuot kotibi Anitta Hipper bu harakat uchun Dushanbeni tanqid qildi.

“Yevropa Ittifoqi Rossiyaning bosqinchilik urushi davrida sodir etilgan barcha jinoyatlari, inson huquqlari buzilishi holatlari va qonunbuzarliklari uchun xalqaro huquq doirasida javobgarlikni ta’minlash, qurbonlarning adolatga bo‘lgan huquqlari, tovon to‘lovi kafolatlarini ta’minlashga qaratilgan sa’y-harakatlarni qat’iy qo‘llab-quvvatlaydi. Shu munosabat bilan Yevropa Ittifoqi Xalqaro jinoiy sud prokurori tomonidan Ukrainada olib borilayotgan tergovlarni qo‘llab-quvvatlashda davom etadi va barcha davlatlarni hamkorlikka chaqiradi”, — deyiladi Hipperning bayonotida.

Ma’lumot uchun, 2023-yilning 17-martida Xalqaro jinoiy sud Rossiya prezidenti Vladimir Putin va bolalar huquqlari bo‘yicha komissar Mariya Lvova-Belovani hibsga olishga order bergan edi. Ular ukrainalik bolalarni majburiy deportatsiya qilishda ayblanmoqda.

Eslatib o‘tamiz, Rossiya prezidenti Vladimir Putin 9–10-oktyabr kunlari Tojikiston poytaxti Dushanbe shahrida bo‘lib o‘tgan “Rossiya - Markaziy Osiyo” va MDH davlatlari yetakchilarining sammitlarida ishtirok etgan edi.

• MDH
• Putin
• Rossiya
• Tojikiston
• Xalqaro jinoyat sudi