“Tolibon” Pokiston Afg‘onistonga nisbatan tajovuz qilsa, buning oqibati yomon bo‘lishi haqida ogohlantirdi.

Bu haqda “Tolibon” muvaqqat hukumati tashqi ishlar vaziri Amirxon Muttaqiy Hindistonga rasmiy tashrifi chog‘ida ma’lum qildi.

Muttaqiyning aytishicha, ikki davlat chegarasida to‘qnashuvlar qayd etilgan. U bu harakatni Pokiston tomonidan amalga oshirilgan “noto‘g‘ri qadam” deb baholab, “muammolarni bunday yo‘l bilan hal qilib bo‘lmasligini” ta’kidlagan.

“Afg‘oniston 40 yillik urushlardan so‘ng tinchlik va taraqqiyotga erishdi. Hech kim bunga qarshi bo‘lmasligi kerak. Biz Hindiston va Pokiston bilan yaxshi munosabatlarni istaymiz, lekin bu bir tomonlama bo‘la olmaydi. Afg‘on xalqining jasoratini sinab ko‘rish kerak emas. Kim bunga urinishni istasa, SSSRdan, AQShdan va NATOdan so‘rasin, ular Afg‘oniston bilan o‘yin o‘ynashning oqibati qanday bo‘lishini yaxshi biladi”, — deya ta’kidladi Muttaqiy.

• Afg‘oniston
• Ogohlantirish
• Pokiston
• Tolibon