Rossiyada COVID bilan kasallanganlar soni 2,5 oy ichida sezilarli darajada oshgan. Bu haqda “Vedomosti” xabar bergan.

Shuningdek, mamlakatda koronavirus yangi variantlarining 178 ta holati aniqlangan. Xabar berilishicha, yangi virus FLiRT o‘z nomini genetik koddagi mutatsiyalar nomlaridan olgan.

Qayd etilishicha, FLiRT Omicron oilasiga tegishli va bu infeksiyaning xarakterli belgilari: isitma, yo‘tal, tomoq og‘rig‘i, zaiflik, bosh og‘rig‘i va mushak og‘rig‘i, ta’m yoki hidning yo‘qolishi hisoblanadi.

Jahon sog‘liqni saqlash tashkiloti ma’lumotlariga ko‘ra, FLiRT Yevropaning 14 mamlakatida va Isroilda topilgan.

Rossiyada kasallanishning umumiy ko‘rsatkichi o‘tgan haftaga nisbatan 14,7 foizga oshgan. Bu esa 100 000 aholiga 8,1 ni tashkil etadi. 13-19-may kunlari 54 kishi vafot etdi, bir hafta oldin 47 kishi vafot etgan edi.

• Kasallik
• Rossiya
• Virus
• koronavirus