Prezident administratsiyasi rahbari Saida Mirziyoyeva MEDEF International huzuridagi O‘zbekiston—Fransiya ishbilarmonlar kengashi raisi, “Orano” kompaniyasi direktorlar kengashi rahbari Klod Imoven boshchiligidagi Fransiyaning yetakchi kompaniyalari vakillari bilan uchrashuv o‘tkazdi.

Uchrashuvda energetika, ta’lim, suv ta’minoti, transport hamda shahar infratuzilmasi sohalarida hamkorlikni kengaytirish masalalari muhokama qilindi. “Biz energetika, ta’lim, suv ta’minoti tizimi, transport va shahar infratuzilmasi kabi ustuvor sohalarda hamkorlikni kengaytirishni maqsad qilganmiz. Ushbu muzokaralar yaqinda Prezident Emmanuel Makron bilan bo‘lib o‘tgan oliy darajadagi muloqotimizning uzviy va mantiqiy davomidir”, — deya ta’kidladi Saida Mirziyoyeva.