Mutaxassislarning aytishlaricha, onkologik kasalliklarning rivojlanishida olib keladigan asosiy omillardan biri – notoʻgʻri ovqatlanish hisoblanadi. JSST maʼlumotlariga koʻra, erkaklar orasida uchraydigan saraton kasalliklarining 40 foizi, ayollar orasida qayd etiladigan onkologik xastaliklarning 60 foiziga notoʻgʻri ovqatlanish sabab boʻladi.

Shifokor-onkolog Ivan Karasevning taʼkidlashicha, taomnomadagi ozuqaviy komponentlar tanqisligi yoki aksincha, ularning haddan tashqari koʻp boʻlishi moddalar almashinuvi hamda ichki tana aʼzolari faoliyatiga salbiy taʼsir koʻrsatmasdan qolmaydi. Bu esa organizmda xavfli oʻsimtalar paydo boʻlishi ehtimolini oshiradi.

80 foiz holatda onkologik kasalliklar kanserogenlar taʼsirida rivojlanadi. Kanserogenlar oziq-ovqat mahsulotlari tarkibiga ularga ishlov berish, ularni saqlash va qadoqlash vaqtida tushib qolishi mumkin. Bundan tashqari, zararli moddalar organizmga tozalanmagan suv yoki tuproq orqali ham tushib qolishi holatlari uchraydi.

Shu boisdan mutaxassislar tarkibida zararli moddalarni saqlovchi va ishlov berilgan mahsulotlar – shakar, margarin, tez tayyor boʻluvchi yeguliklar, konservalar isteʼmolini kamaytirishni maslahat berishadi.

• Foydali
• Tavsiya
• salomatlik