31°
Kechasi 18°
Buyuk Britaniya qiroli Karl III shahzoda Garridan qirolicha Yelizaveta II bilan vidolashuv uchun rafiqasi Megan Marklni o‘zi bilan Balmoral qasriga olib ketmaslikni so‘radi. Bu haqda “The Sun” yozmoqda.
Nashr manbasiga ko‘ra, shahzoda Garri buvisining sog‘lig‘i yomonligi haqida Londondagi “Frogmor xaus” qarorgohida, Markl bilan birga Balmoralga kelmoqchi bo‘lgan paytda xabar topgan. Biroq shahzodaga qo‘ng‘iroq qilgan otasi undan Meganni o‘zi bilan olib kelmaslikni so‘ragan.
“Karl Garriga juda qayg‘uli paytda Meganning Balmoralda bo‘lishi noto‘g‘ri yoki nomaqbul ekanini aytdi. Shu bilan birga, Garriga uning ukasi Uilyam Keyt Middltonning rafiqasi ham bormasligini aytishgan, chunki malika yonida faqat yaqin qarindoshlar bo‘lishi kerak. Bundan tashqari, Garriga Uilyam, Edvard va Endryu tomonidan foydalanilgan RAF samolyotidan foydalanish taqiqlangan”, – deyiladi xabarda.
Eslatib o‘tamiz, Buyuk Britaniya qirolichasi Yelizaveta II 8 sentyabr kuni 96 yoshida vafot etdi, u so‘nggi daqiqalarini oilasi bilan Balmoral qal’asida o‘tkazgan. Uning to‘ng‘ich o‘g‘li, Uels shahzodasi Karl III Buyuk Britaniyaning yangi monarxi bo‘ldi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
