Bu gaplarni Prezident Shavkat Mirziyoyev o‘zi raisligida hudud va tarmoqlarda iqtisodiy o‘sish sur’atlari hamda yil yakuniga qadar ustuvor vazifalarga bag‘ishlangan videoselektor yig‘ilishida aytdi.

Yig‘ilishda qayd etildiki, 2026-yilning birinchi yarmida O‘zbekiston iqtisodiyoti 8,5 foizga o‘sgan. Investitsiyalar hajmi 28 milliard dollar, eksport esa 14,4 milliard dollarni tashkil etgan. Shuningdek, Fitch va Moody’s xalqaro reyting agentliklari O‘zbekistonning suveren kredit reytingini bir pog‘onaga oshirgan.

Prezident 40 million aholining hayot sifatini yaxshilash uchun mamlakat iqtisodiyoti yiliga 9–10 foiz o‘sishi zarurligini ta’kidladi.

Shuningdek, rahbarlarga faqat hisobot berish emas, balki yangi iqtisodiy zaxiralarni ishga solish va global vaziyatdagi o‘zgarishlarni inobatga olgan holda qo‘shimcha ssenariylar ishlab chiqish vazifasi qo‘yildi.