19-iyul kuni bo‘lib o‘tgan Jahon chempionatining uchinchi o‘rin uchun bahsida Angliya terma jamoasi Fransiyani 6:4 hisobida mag‘lub etdi va bronza medallariga sazovor bo‘ldi. Angliya safida gollarga Deklan Rays (3-daqiqa), Ezri Konsa (18), Bukayo Saka (37, 45+1, 87) va Jude Bellingem (90+8) mualliflik qildi. Fransiya tarkibida esa Kilian Mbappe (48, 66), Bredli Barkola (54) va Usmon Dembele (90+6) gol urdi.

Mazkur uchrashuv Jahon chempionatlari tarixida uchinchi o‘rin uchun o‘tkazilgan eng sermahsul bahs sifatida qayd etildi. Avvalgi rekord 1958-yilda Fransiya va G‘arbiy Germaniya o‘rtasidagi 6:3 hisobidagi o‘yinda o‘rnatilgan edi. Ma’lumot uchun, Angliya terma jamoasi o‘z tarixida ikkinchi marta Jahon chempionati medalini qo‘lga kiritdi. Uning yagona chempionligi 1966-yilda qayd etilgan.