58-Xalqaro kimyo olimpiadasining (IChO 2026) tantanali taqdirlash marosimi bo‘lib o‘tdi. Unda O‘zbekiston sharafini himoya qilgan o‘quvchilarning barchasi sovrinli o‘rinlarni egalladi.

O‘zbekiston terma jamoasi quyidagi natijalarni qayd etdi:

Rayhona Tuymurodova — oltin medal;
Jasur Mustafoyev — kumush medal;
Azizmuhammad Hafizov — kumush medal;
Mirjalol Homidjonov — kumush medal.

Shu tariqa, O‘zbekiston IChO 2026da jami 4 ta medal — 1 ta oltin va 3 ta kumush medalni qo‘lga kiritdi.

Ma’lumot uchun, 2024-yil 30-sentabrdagi Prezident qaroriga muvofiq, nufuzli xalqaro olimpiadalarda medal olgan o‘zbekistonlik ishtirokchilarga pul mukofotlari beriladi. Oltin medal uchun 1 milliard 30 million so‘m, kumush medal uchun esa 618 million so‘m mukofot belgilangan.

Shuningdek, g‘oliblarni tayyorlagan o‘qituvchilarning malaka toifasi bir pog‘ona oshirilishi nazarda tutilgan.