Somali poytaxti Mogadishuda Ta’lim vazirligi oldida ikkita bomba o‘rnatilgan avtomobilning portlashi oqibatida kamida 100 kishi halok bo‘ldi. Bu haqda Reuters xabar berdi.

Birinchi portlash vazirlik binosi yaqinida Mogadishudagi gavjum chorraha yaqinida sodir bo‘lgan, ikkinchi portlash tez yordam mashinalari yetib kelgan va jabrlanganlarga yordam berish uchun odamlar yig‘ilganda sodir bo‘lgan.

Ma’lumotlarga ko‘ra, halok bo‘lganlar orasida Mogadishuning Xodan tumani politsiyasi boshlig‘i va telejurnalist Muhammad Issa Kun ham borligi aytilgan.

Voqea uchun javobgarlikni hech kim o‘z zimmasiga olmadi, biroq davlat rahbari “Ash-Shabob” islomiy guruhini aybladi.

Somali prezidenti Hasan Shayx Muhammad Mogadishodagi portlashlar sodir bo‘lgan joyda jurnalistlarga yana 300 ga yaqin odam jarohatlanganini aytdi.

“Biz xalqaro hamkorlarimizdan va butun dunyodagi musulmonlardan oʻz shifokorlarini bu yerga yuborishlarini soʻraymiz, chunki barcha jabrlanganlarni davolash uchun mamlakat tashqarisiga joʻnata olmaymiz”,– deydi u.

• Somali
• Terrorizm