2017-yildan beri O‘zbekiston Prezidenti Shavkat Mirziyoyev farmoni bilan afv etilgan shaxslar soni 5555 nafarga yetdi. Bu haqda O‘zA xabar berdi.

Afv etish - hukm qilingan shaxsga nisbatan insonparvarlik ifodasi boʻlib, uni jazodan toʻliq yoki qisman ozod qiladi yoki sud tomonidan belgilangan jazoni boshqa yengilroq jazo bilan almashtiradi.

“2017-yildan beri afv etish bilan bog‘liq 21 ta farmon e’lon qilingan. Mazkur farmonlar asosida 5555 nafar jazo muddatini o‘tayotgan shaxslar afv etilgan”, deyiladi xabarda.

• 2017-yilda bitta farmon bilan 2700 nafar shaxs;
• 2018-yilda uchta farmon bilan 621 nafar shaxs;
• 2019-yilda to‘rtta farmon bilan 771 nafar shaxs;
• 2020-yolda beshta farmon bilan 616 nafar shaxs;
• 2021-yilda to‘rtta farmon bilan 637 nafar shaxs;

Joriy yilda esa afv etish bilan bogʻliq uchta farmon eʼlon qilindi. Shu asosda 203 nafar shaxs afv etildi.

Ma’lumot uchun, O‘zbekistonda jazo muddatini o‘tayotgan, qilmishiga chin ko‘ngildan pushaymon bo‘lgan va tuzalish yo‘liga o‘tgan shaxslar sud tomonidan tayinlangan jazoning uchdan ikki qismini o‘tashsa, Prezidentga afv so‘rab murojaat qilishi mumkin.

• Avf
• Qamoqxona