Buyuk Britaniyaning Kembrij universiteti tadqiqotchilari sun’iy intellektga ega robot-oshpaz yaratdilar. Dastur ovqat pishirish videolari asosida ovqat pishirishni o‘rganadi.

Robot-oshpazlar uzoq vaqtdan beri ilmiy-fantastik asarlarda qatnashib kelishgan, lekin aslida ovqat pishirish mashina uchun qiyin ish. Trening davomida olimlar sakkizta oddiy salat retseptlaridan iborat o‘zlarining taomnomasini yaratdi va ularni qanday pishirishlarini videoga oldi.

Sun’iy intellekt kadrlarni tahlil qildi va u qaysi obyektga qarayotganini va bu obyektdan qanday foydalanishni aniqladi. U 93 foiz hollarda tayyorlanayotgan taomni to‘g‘ri aniqlay olgan.

Vaqt o‘tishi bilan robot qaysi ingredientlar bir-biri bilan yaxshiroq ishlashini tushunishni o‘rgandi. U hatto retseptdagi o‘zgarishlarni ham aniqlay oldi.

Olimlarning ta’kidlashicha, ular robotga odam kabi bosqichma-bosqich pishirishni o‘rgatishgan. Sun’iy intellekt uchun ijtimoiy tarmoqlardagi haqiqiy oshpazlik videolarini kuzatish hali ham juda qiyin. Ammo ishlab chiquvchilarning fikriga ko‘ra, vaqt o‘tishi bilan u butunlay yangi taomlarni o‘zlashtirish uchun ochiq manbalardan, ma’lumotlardan foydalanishi mumkin bo‘ladi.

• Lifestyle
• qiziqarli