Yoshlar ishlari agentligi o‘qish pullarini to‘lashda moliyaviy muammolarga duch kelayotgan iqtidorli talabalarni qo‘llab-quvvatlash maqsadida hokimliklar bilan hamkorlikda yo‘lga qo‘yilgan “Talabaga madad” loyihasi doirasida qaysi tuman-shahar hokimlari eng faol ekanini aniqladi va bu borada ilg‘or hokimlar reytingi e’lon qildi.

Unga ko‘ra, Jizzax viloyati Sharof Rashidov tumani hokimligi eng ko‘p – 242 nafar talabaga 662, mln so‘m to‘lov qilgan bo‘lsa, Navoiy viloyati Navoiy shahri hokimligi talabalarga eng ko‘p miqdorda to‘lov-kontrakt pullarini to‘lab bergan.

“Talaba-yoshlarni qo‘llab-quvvatlashga qaratilgan mazkur tizimni tushunib, yoshlar bilan ishlashga harakat qilib, ularning muammolarini tinglagani, talabalarga ilm olishida ko‘mak bergani uchun ushbu hokimliklarga o‘z minnatdorchiligimizni bildiramiz! Bu tizimni yana-da takomillashtirish ustida ishlayapmiz, jarayon hali davom etadi”, – deb yozadi Yoshlar ishlari agentligi direktori Alisher Sadullayev.

Shuningdek, Agentlik rahbarining ma’luvm qilishcha, Respublika bo‘yicha 6 ta tumanda loyiha doirasida murojaat qilgan talabalarning birortasiga kontrakt pullari to‘lab berilmagan.