Olmaliqda zargarlik do‘koniga o‘g‘irlikka tushgan shaxs qo‘lga olindi. Bu haqda Milliy gvardiya “Qo‘riqlash” bo‘limi ma’lum qildi.

Qayd etilishicha, joriy yilning 2-sentabr kuni soat 10:48 da Olmaliq shahar “Qo‘riqlash” bo‘limiga qo‘riqlovga olingan zargarlik buyumlari do‘konidan “tashvish” xabari kelib tushgan.

Tezkorlik bilan voqea joyiga yetib kelgan xodimlar tomonidan mazkur do‘kondan zargarlik buyumlarini g‘ayriqonuniy tarzda olib chiqishga urinayotgan noma’lum shaxs qo‘lga olingan.

Dastlabki tekshiruv ishlari natijasida fuqaro 1987-yilda tug'ilgan T.A ekanligi aniqlangan.

Mazkur holat bo‘yicha surishtiruv ishlari Olmaliq shahar IIB tomonidan olib borilmoqda.

• Firibgarlik
• O'g'irlik
• Zargarlik buyumlari