Samarqand viloyatining Payariq tumanida ayol tug‘uruqxona oldida chaqalog‘ini dunyoga keltirib, hojatxonaning chiqindi qutisiga tashlab ketdi.

Ma’lumotlarga ko‘ra, Yangi yil bayrami arafasida Payariq tumani tug‘uruq bo‘limiga murojaat qilgan ayol shifokorlardan homilasini tushirish bo‘yicha yordam so‘ragan. Biroq ulardan qoniqarli javob ololmagach, farzandini tug‘uruqxona yonida dunyoga keltirib, hojatxona chiqindisiga tashlab ketgan.

“Zamon.uz”ning xabar qilishicha, ayolning qilmishi kuzatuv kameralari orqali aniqlanib, holatga aniqlik kiritilgan. Chaqaloq esa o‘lik holda topilgan.

Samarqand viloyat IIB axborot xizmati ayni paytda ekspertiza tayinlanganini, bolaning tirik tug‘ilgani yoki homila nobud bo‘lib, keyin tug‘ilgani aniqlanganidan so‘ng jinoyat ishi masalasi hal etilishini bildirgan.

• Chaqaloq
• IIB
• Samarqand