Toshkent shahrida jamoat transporti harakatini yanada samarali tashkil etish va avtobus yo‘laklarini maxsus to‘siqlar bilan ajratish rejalashtirilmoqda. Bu haqda Toshkent shahrida Yo‘l harakatini tashkil etish markazi xabar berdi. 

Mazkur yangilik orqali avtobuslar uchun mo‘ljallangan alohida yo‘laklarni aniq ajratish, ushbu hududlarga boshqa transport vositalarining noqonuniy kirib ketishini cheklash hamda jamoat transporti harakat tezligini oshirish ko‘zda tutilgan.

Mutaxassislar fikricha, bunday amaliyot shaharda tirbandlik sharoitida avtobuslar harakatining barqarorligini ta’minlashda muhim ahamiyat kasb etadi. Chunki amalda avtobuslar uchun ajratilgan yo‘laklarga yengil avtomobillar va boshqa transport vositalarining kirib qolishi jamoat transporti harakatida kechikishlarga sabab bo‘lmoqda. 

Ushbu tashabbus bu muammoning oldini olish, haydovchilarni yo‘l qoidalariga qat’iy amal qilishga undash va avtobuslar harakati uchun ustuvorlik yaratishga xizmat qiladi.

• Avtobus
• Toshkent