Toshkentda mast yigit keksa ayolga nisbatan uyatsiz harakatlar sodir etdi

Kecha, 4-avgust kuni soat taxminan 05:30 da Toshkent shahrining Yashnobod tumanidagi “Shirinobod” mahallasi hududida 2004-yilda tug‘ilgan yigit mast holatda keksa ayolga nisbatan uyatsiz va buzuq harakatlar sodir etgan.

Ma’lum qilinishicha, u voqea joyidan ketishga uringan vaqtida fuqarolar tomonidan ushlanib, ichki ishlar organlari xodimlariga topshirilgan.

Holat yuzasidan yigitga nisbatan Ma’muriy javobgarlik to‘g‘risidagi kodeksning mayda bezorilik, jamoat joyida alkogol mahsulotini iste’mol qilish hamda ichki ishlar organlari xodimining qonuniy talablarini bajarmaslikka oid moddalari asosida ma’muriy bayonnoma rasmiylashtirilgan.

To‘plangan hujjatlar qonuniy chora ko‘rish uchun jinoyat ishlari bo‘yicha tuman sudiga yuborilgan.