Toshkentning bosh archasi ochilishi 25-dekabrga rejalashtirilgan. Bu haqda Toshkent shahar hokimligi matbuot xizmati ma’lum qilgan.

Ta’kidlanishicha, bosh archa shahar aholisi va mehmonlarini o‘ziga jalb etib, shinamlik va sehrli muhit yaratadigan bayram tadbirlarining markaziga aylanadi. Shu sabab har bir tashrif buyuruvchi bayramdan xotirjam bahramand bo‘lishi uchun barcha ishlarning sifatli bajarilishi va xavfsizlikni ta’minlashga alohida e’tibor qaratilmoqda.

Hozirda xavfsizlik choralarini kuchaytirish, shuningdek, dam olish va ko‘ngilochar hududga erkin kirishni ta’minlash rejalashtirilmoqda.

“Tez orada barchamiz amalga oshirilgan ishlarning natijasini ko‘ramiz. Bosh archaning rasmiy ochilishi 25-dekabrga rejalashtirilgan”, – deyiladi hokimlik xabarida.

• Toshkent
• Yangi yil archasi