AQSh prezidenti Donald Tramp Turkiyaning Anqara shahridan qaytishda samolyotini yashirincha almashtirganini tasdiqladi. Uning so‘zlariga ko‘ra, bu qarorni Maxfiy xizmat va harbiylar xavfsizlik nuqtayi nazaridan tavsiya qilgan.

Tramp jurnalistlarga Maxfiy xizmat va harbiylarning ko‘rsatmalariga amal qilganini aytib, undan boshqa reys va boshqa samolyotda uchishni so‘rashganini bildirdi.

Xabarlarga ko‘ra, Tramp Anqaradagi aeroportda Air Force One samolyotidan yashirincha olib chiqilib, boshqa harbiy samolyotga o‘tkazilgan. Bu jarayonni yashirish uchun catering yuk mashinasidan foydalanilgan. Shu paytda Air Force One samolyotida Tramp bilan birga uchayotgan xodimlar va jurnalistlar qolgan.

Tramp samolyot almashtirilishiga qandaydir tahdid sabab bo‘lganini taxmin qilgan, biroq bu haqda batafsil surishtirmaganini aytgan. OAV xabarlarida tahdid Eron bilan bog‘liq bo‘lgani qayd etilgan.

Prezidentning ta’kidlashicha, unga qarshi ko‘plab tahdidlar bo‘ladi va u bunday vaziyatlarda xavfsizlik xodimlarining ko‘rsatmalariga amal qiladi.