AQSh prezidentining aytishicha, u kelasi hafta teleradiokompaniyaga qarshi sud da’vosini kiritishi mumkin. Bunga sabab, BBC’ning Panorama dasturida uning nutqi tahrirlangan holda efirga uzatilgan.

“Menimcha, shunday qilishim kerak, chunki ular aldashganini tan olishdi. Ular men aytgan so‘zlarni o‘zgartirib yuborishgan”, — dedi AQSh prezidenti.

2024-yil oktyabr oyida, AQSh prezidentlik saylovlariga bir hafta qolganda, BBC’da Panorama dasturining yangi soni efirga uzatilgan edi. Unda 2021-yil 6-yanvardagi AQSh Kongressi binosiga (Kapitoliy) bostirib kirish haqida so‘z borgan. Videoda Trampning ikki xil chiqishidan parchalar birlashtirib tahrirlangan, bu esa u yig‘ilganlarni tartibsizlik va zo‘ravonlikka chaqirgandek taassurot uyg‘otgan.

Tahrirlangan nutq bilan bog‘liq mojaro ortidan BBC bosh direktori Tim Deyvi va BBC News yangiliklar bo‘limi rahbari Debora Terness iste’foga chiqdi. Shu bilan birga, BBC Trampdan uning nutqini montaj qilgani uchun uzr so‘radi, biroq kompensatsiya to‘lashdan bosh tortdi.

• Prezident
• Sud
• Tramp
• kompaniya